بڕیارە دوانیوەڕۆی ئەمڕۆ شەممە، بافڵ تاڵەبانی، سەرۆکی یەکێتیی نیشتمانیی کوردستان، سەردانی بەغداد بکات و لەگەڵ محەممەد شیاع سوودانی، سەرۆکوەزیرانی عێراق و ژمارەیەک بەرپرسی باڵا کۆببێتەوە، بەپێی زانیاری میدیای یەکێتیش، “بە مەبەستی سەردانەکە تاوتوێکردنی پرسی مووچە و جێبەجێکردنی رێککەوتنی نەوتییە”.
بەپێی زانیارییەکانی میدیای یەکێتی، ئامانجێکی سەرەکیی سەردانەکەی بافڵ تاڵەبانی، “بریتییە لە چاودێریکردنی جێبەجێکردنی ڕێککەوتنەکە و لابردنی سەرجەم ئاستەنگەکان لە بەردەمیدا، بە ئامانجی زیاتر لێک نزیککردنەوەی هەردوو حکومەتی بەغداد و هەرێم”.
میدیای یەکێتی دەشڵێت: “سەرۆکی یەکێتی لە کۆبوونەوەیدا لەگەڵ سەرۆک وەزیرانی عێراق، داوای ناردنی بەپەلەی مووچەی مووچەخۆرانی هەرێمی کوردستان دەکات. هەروەها داوا دەکات کە پرۆسەی دابەشکردنی مووچە ڕێکبخرێتەوە، بە جۆرێک کە مووچەخۆرانی هەرێم و عێراق پێکەوە و لە یەک کاتدا مووچەکانیان وەربگرن”.
جگە لە سەرۆک وەزیرانی عێراق، بڕیارە لەم سەردانەیدا بافڵ تاڵەبانی چاوی بە ژمارەیەک بەرپرسی باڵای حیزبی و حکومیی دیکە لە بەغداد بکەوێت.