سەیرکراوە: (1.0K)
پارێزگاری هەولێر لە پۆستێکی فەیسبوکی خۆی، کاتی کردنەوەی بەشێکی دووسایدی گومەسپان – سماقوڵی بە ڕووی شۆفێراندا دەکرێتەوە.
ئومێد خۆشناو، پارێزگاری هەولێر دەڵێت، لەسەر فەرمان و ڕاسپاردەی مەسرور بارزانی، سەرۆکی حکومەتی هەرێمی کوردستان، پڕۆژەی دووسایدی (گۆمەسپان – سماقوڵی) کە هەردوو پارێزگای هەولێر و سلێمانی بەیەكەوە دەبەستێتەوە، لە چوارچێوەی گەشەپێدانی بەنداوی گۆمەسپان وەك پڕۆژەیەكی ستراتیژیی و گرنگی گەشتیاری و پەرەپێدانی ئابووری لەسنووری پارێزگای هەولێر بە گووژمەی ( 210 ملیار دینار ) لەلایەن کۆمپانیای “هێمن گرووپ” دەست بەجێبەجێکردنی کراوە.
باسی لەوەشکردووە: لە ئێستاشدا كاركردن لە پڕۆژەكە بە چڕی بەردەوامە و بەشێكی كە درێژییەكەی (22 كیلۆمەترە) و لە مەفرەقی گۆمەسپانەوە دەست پێدەكات تەواوە بووە، بڕیارە لە ناوەڕاستی مانگی داهاتوو بكرێتەوە.