بەڕووداوی هاتووچۆ کەسێک گیانی لەدەستدا

ەسەر ڕێگای کەلار ناحیەی باوەنور نزیک گوندی تازەدێ ئۆتۆمبێلێک وەرگەڕا و شۆفیرەکەی گیانی لەدەستدا.

بەڕێوەبەرایەتی هاتووچۆی گەرمیان بڵاویكردەوە، کەمێک پێش ئێستا، لەنزیک گوندی تازەدێ ئۆتۆمبێلێکی جۆری (فورد فیکو) بەئاراستەی ناحیەی باوەنور ڕۆیشتووە، کۆنترۆڵی لەدەستدا و وەرگەڕا.

ئاماژەی بەوەشكردووە، بەهۆی ڕووداوەكەوە شۆفێرەکەی لەدایک بووی ساڵی ١٩٩٦ گیانی لەدەستدا، لەئێستادا تەرمەکەی لە پزیشکی دادی قەزای کەلارە.

ڕاشیگەیاندووە، تیمی هاتووچۆ گەیشتونەتە شوێنی ڕووداوەکە و لێکۆڵینەوەیان لە ڕووداوەکە دەستپێکردوە بەمەبەستی زانینی هۆکار و چۆنیەتی ڕووداوەکە.