بەکارهێنەرانی ئایفۆن تایبەتمەندییەکی شاراوەیان لە ئەپی Alarm دۆزیەوە کە دوای چەندین ساڵ بەکارهێنانی تووشی سەرسوڕمان بوون. بەپێی دۆزینەوەکە، دەردەکەوێت کە نیشاندەری هەڵبژاردنی کات کە لە “چەرخی بازنەیی” دەچێت لە 1 بۆ 12، بازنەی ڕاستەقینە نییە، بەڵکو لیستێکی زۆر درێژە کە دەتوانرێت بەرەو سەرەوە و خوارەوە دیاریبکرێت. یەکێک لە بەکارهێنەران دۆزینەوەکەی لەسەر پلاتفۆرمی X بڵاوکردەوە و ڕوونیکردەوە کە لەکاتی سکڕۆڵکردندا بۆ ماوەیەکی زۆر، لیستەکە هەمیشە دەگاتە کاتژمێر 4:39 PM، ئەمەش ئاماژەیە بۆ ئەوەی کە لیستەکە بێکۆتایی نییە، وەک بەکارهێنەران لەمێژە باوەڕیان بەوە هەیە.
هەر کەسێک دەتوانێت ئەم دۆزینەوە بۆ خۆی لە ئایفۆنەکەی تاقی بکاتەوە: – ئەپی Clock بکەرەوە و بچۆ بۆ بەشی Alarms. – زیادکردنی زەنگی ئاگادارکردنەوەیەکی نوێ یان دەستکاریکردنی زەنگێکی هەبوو. – لەسەر هەڵبژاردنی کات کاتژمێر و چرکە دەردەکەوێت. – بۆ ماوەیەکی زۆر بەردەوام بە لە سکڕۆڵکردن بۆ سەرەوە یان خوارەوە، و تێبینی ئەوە دەکەیت کە گەیشتوویتە کاتژمێر 4:39 PM، کە کۆتایی لیستە شاراوەکانە. ئەم دۆزینەوە بەکارهێنەرانی ئەپڵی تووشی شۆک کرد. یەکێک لە کۆمێنتکەرەکان نووسیویەتی “هەست دەکەم خیانەتم لێ کراوە”، یەکێکی دیکەش دەڵێت “نائارامکەر. تەنها دە چرکەی خایاند لە خولاندنەوە تا گەیشتە کۆتایی”.
ئەو پرسە مشتومڕی لە نێوان بەکارهێنەران دروست کرد؛ هەندێک بە هەڵەی دیزاین یان لاوازی نەرمەکاڵایان زانی، هەندێکی تر گۆڕینی ویلەکەیان بۆ لیستێکی درێژ وەک هەڵبژاردنێکی دیزاینی پراکتیکی و زیرەک دەبینی. ئەمە یەکەم دۆزینەوە نییە کە بەکارهێنەرانی ئایفۆن سەرلێشێواو بکات سەبارەت بە کات و بەروار. پێشتر بەکارهێنەران تێبینی ئەوەیان کردووە کە ساڵنامەی ئایفۆن لە مانگی تشرینی یەکەمی ساڵی ١٥٨٢دا دە ڕۆژی تێپەڕاندووە، لە ٤ی تشرینی یەکەمەوە ڕاستەوخۆ بۆ ١٥ی تشرینی یەکەم، ئەمەش کاریگەری گۆڕینی ساڵنامەی جولیان بۆ ساڵنامەی گریگۆری بووە، نەک هەڵەیەکی تەکنیکی. ئەم ڕۆژە ونبووانە تا ئەمڕۆش لە ئەپی ساڵنامەدا ماونەتەوە و بەکارهێنەران بەروارێکیان بیردەخاتەوە کە مێژووەکەی دەگەڕێتەوە بۆ زیاتر لە ٥٠٠ ساڵ پێش ئێستا.