تەندروستی سلێمانی ڕایگەیاند لە هەفتەی داهاتووەوە پێکوتەی پەتای وەرزیی بەردەست دەبێت و هاووڵاتییان دەتوانن بۆ بەرزکردنەوەی بەرگری لەشیان وەریگرن.
ئەمڕۆ سێشەممە، بەڕیوەبەرایەتی گشتی تەندروستی سلێمانی ڕایگەیاند، هاووڵاتییان ئاگادار دەکەینەوە لەسەرەتای هەفتەی داهاتووەوە ڤاکسینی پەتای وەرزی لە سەرجەم مەڵبەند و بنکە تەندروستییەکانی سنووری پارێزگای سلێمانی بەردەست دەبێت و دەتوانن سەردانی نزیکترین مەڵبەند و بنکەی تەندروستی لەخۆیانەوە بکەن بۆ بەکارهێنان.
ئەوەشی خستەڕوو کە پێکوتەکە کاردەکات بۆ بەرزکردنەوەی ئاستی بەرگری لەشی مرۆڤ و ڕێگری لە تووشبوون یاخود کەمکردنەوەی نیشانەکەنی تووشبوون بە ڤایروسی ئەنفلۆنزای وەرزی.
تەندروستی سلێمانی ڕاشیگەیاند، ئەو کوتانە ڕێگری لە تووشبوون بە ڤایرۆسی پەتای وەرزی دەکات و ئەو کەسانەشی دوای کوتانەکە تووشی پەتا دەبن بەهۆی کاریگەری ڤاکسینەکەوە لەسەریان ئاسان دەبێت و زووتر تێیدەپەڕێنن.
نوسەر