حکومەتی هەرێمی کوردستان ڕاگەیەندراوێکی دەربارەی کۆبوونەوەکەی ئەمڕۆ بڵاوکردەوە

حکومەتی هەرێمی کوردستان ڕایگەیاند، ئەنجومەنی وەزیران دەربارەی ڕێککەوتنی سێقۆڵی نەوت و پۆلێنکردنی داهاتی نانەوتی کۆدەبێتەوە.

فەرمانگەی میدیا و زانیاری حکومەتی هەرێمی کوردستان بڵاویکردەوە کە ئەمڕۆ چوارشەممە، ئەنجومەنی وەزیران بە سەرپەرشتیی مەسرور بارزانی، سەرۆک وەزیران کۆدەبێتەوە.

ڕوونیشیکردەوە کە لە كۆبوونەوەكەدا بابەتی ڕێككەوتننامەی سێ لایەنەی نێوان حكومەتی فیدراڵی و حكومەتی هەرێمی كوردستان و كۆمپانیا نەوتییەكان، تایبەت بە دەستپێكردنەوەی هەناردەی نەوتی هەرێمی كوردستان، لەبەر ڕۆشنایی یاسای بودجەی گشتیی فیدراڵیی هەمواركراو و بڕیاری ئەنجومەنی وەزیرانی هەردوولا دەخرێتە ڕوو.

ئەوەشی خستەڕوو کە لە بڕگەیەكی دیكەدا، دواپێشهاتی دۆسیەی پۆلێنكردنی داهاتە نانەوتییەكان و دەستنیشانكردنی بەشی گەنجینەی فیدراڵی دەخرێتە ڕوو.