بەڕێوەبەرایەتی هاتووچۆی سلێمانی کەوتنەکاری کامێراکانی (خاڵ بۆ خاڵ)ی لە چەند ڕێگەیەکی سەرەکی ڕاگەیاند.
بەڕێوەبەرایەتی هاتووچۆی سلێمانی بڵاویكردەوە، بەمەبەستی کەمکردنەوە و ڕێکخستنی خێرایی ئۆتۆمبێلەکان و پاراستنی گیانی هاووڵاتییان لە ڕووداوەکانی هاتووچۆ، ژمارەیەک کامێرای چاودێری نوێی خاڵ بۆ خاڵ دەکەونە کار.
ئاشكراشی كردووە، کامێراکانی تۆمارکردنی تیژڕِەوی لە سەر ڕێگاکانی (عەربەت – سیدصادق – پارێزگای هەڵەبجە) هەروەها (ڕێگای پێنجوێن) لە ڕۆژی پێنج شەممە ڕێکەوتی ۸/۱/۲٠۲٦ کاتژمێر ١٢ ی نیوەڕۆ دەکەونە کار.
دەشڵێت: بەهەردوو سایدی هاتن و رۆشتن کامێراکان بەشێوەی خاڵ بۆ خاڵ دیاریکراوە و سەرجەم ئەو سنوورانە لە قەراغی ڕێگاکانیدا هێمای دیاریکردنی خێراییان بۆ دانراوە، داواکارین لە شۆفێران پابەندی خێراییە دیاریکراوەکان بن تا بەدووربن لە هەر ڕووداوێکی نەخوازراو و لەهەمان کاتدا تا بەدووربن لە هەر سزایەکی هاتووچۆیی.