لە هێرشێكدا بۆسەر پەرەستگایەكی جووەكان لە مانچستەر چوار کەس برینداربوون و دوو کەسیش کوژرا، هاوکات بکەری هێرشەکەش کوژرا.
ڕۆژنامەی گاردیانی بەریتانی بڵاویکردەوە، كاتژمێر 9:31 خولەك بە كاتی خۆجێی مانچیستەر، ئاگاداركراوەتەوە لەوەی ئۆتۆمبیلێك خۆی كێشاوە بە نوێژخوێناندا لە بەردەم پەرەستگای (هیتۆت پارك) کە پەرستگایەکی تایبەت بە جووەکانە، و بەر لەو ڕووداوەش پیاوێك بە چەقۆ هێرشیکردۆتە سەر چەند نوێژخوێنیک و بریندار هەیە.
رووداوەكە لە رۆژی (یۆم كیپور- لێخۆشبوون) روویداوە، كە پیرۆزترین رۆژە لە رۆژژمێری ئاینی جولەكەكاندا.
پۆلیس حاڵەتی تایبەتی “پلاتۆ”ی تایبەتی بۆ رووداوەكە راگەیاند، كە تایبەتە بە مامەڵەكردن لەگەڵ هێرشە تیرۆرستییەكان، و بەوتەی خۆشیان یەكێك لە بریندارەكانی رووداوەكە پاسەوانێكی ئەمنییە.
هاوکات کەمێک لەمەوبەر پۆلیسی بەریتانیا دوای هەوڵێکی زۆر توانی هێرشبەرەکە بکوژێت.