مەسرور بارزانی، سەرۆک وەزیرانی هەرێمی کوردستان لە وتارێکدا لە ڕێوڕەسمی ڕاگەیاندنی “ڕێبەری سەلامەتی” ڕایگەیاند، ئاسایش و سەقامگیری هەرێمی کوردستان پارێزراوە.
ئەمڕۆ یەکشەممە، مەسرور بارزانی، سەرۆکی حکومەتی هەرێمی کوردستان، لە ڕێوڕەسمی ڕاگەیاندنی “ڕێبەری سەلامەتی’ لە وتارێکدا وتی: “لە سایەی شەونخونی و ماندبوونی کارمەندانی وەزارەتی ناوخۆ و هێزەکانی ئاسایش و هێزە ئەمنییەکانی تر، ئاسایش و سەقامگیری لە هەرێمی کوردستان پارێزراوە.
وتیشی: لە بواری بەرەنگاربوونەوەی هەموو جۆرەکانی تاوان و لە پێناو پاراستنی هاووڵاتییان، ئێمە باشترین تەکنەلۆژیامان خستووەتە خزمەت و بەردەستی پۆلیسی کوردستان بۆ ئەوەی زۆر ئاسانتر و خێراتر بتوانن بەدوای تاوانباراندا بگەڕێن و ڕووبەڕووی یاسایان بکەنەوە.
باسی لەوەشکرد: کامێراکانی تۆمارکردنی تیژڕۆیی 50% ڕووداوەکانی هاتوچۆیان کەمتر کردووە.