مەسرور بارزانی، سەرۆک وەزیرانی هەرێم لە کۆبوونەوەی لەگەڵ باڵیۆزی بەریتانیا لە عێراق ڕایگەیاند، کە نابێت کێشەی مووچەڤ و پارەی هەرێم بە سیاسی بکرێت.
بەپێی ڕاگەیەندراوی کۆبوونەوەکە، ئەمڕۆ سێشەممە، مەسرور بارزانی، سەرۆک وەزیرانی هەرێم لەگەڵ عیرفان سدیق، باڵیۆزی بەریتانیا لە عێراق کۆبووەتەوە و تیایدا مەسرور بارزانی دەڵێت: “جەختمان لە پاراستن و ڕێزگرتن لە مافە دەستووریی و دابينكردنى شایستە داراییەکانی هەرێمی کوردستان لە چوارچێوەی پابەندبوون بە دەستوور و ڕێککەوتنەکان کردەوە و هاوڕابووین لەسەر ئەوەی پێویستە كێشەی مووچە و شایستە داراییەکانی خەڵکی کوردستان بە شێوەیەکی بنەڕەتی چارەسەر بکرێت و نابێت بابەتەکە بە سیاسی بکرێت”.
ئەوەشی وتووە: باسمان لە ڕێککەوتنی سێ لایەنییەکەی تایبەت بە دەستپێکردنەوەی نەوتی هەرێمی کوردستان کرد کە پێویستە ببێتە دەستپێکێک بۆ دەرچوونی یاسای نەوت و غاز لە خوولی داهاتووی پەرلەماندا.
“تیشکمان خستە سەر چاکسازییەکانی حکومەتی هەرێم لە کەرتە جۆراجۆرەکاندا، بەتایبەتی بە ئەنجامگەیشتنی هەردوو پڕۆژەی (هەژماری من) و (ڕووناکی)”، مەسرور بارزانی وای نوووسیوە.