“پێشوازی لە ڕێککەوتنەکەی عێراق و هەرێمی کوردستان و کۆمپانیاکانی نەوت دەکەین”

وەزیری دەرەوەی ئەمریکا پشتیوانی وڵاتەکەی بۆ ڕێککەوتنی هەناردەکردنەوەی نەوتی هەرێمی کوردستان ڕاگەیاند.

ئەمشەو مارکۆ ڕوبیۆ، وەزیری دەرەوەی ئەمریکا ڕایگەیاند، پێشوازی لە ڕاگەیاندنی ڕێککەوتنی حکومەتی عێراق لەگەڵ حکومەتی هەرێمی کوردستان و کۆمپانیا نێودەوڵەتییەکان واژۆیان کرد بۆ کردنەوەی بۆری عێراق-تورکیا.

وتیشی: ئەم ڕێککەوتنە کە لەلایەن ئەمریکاوە ئاسانکاری بۆ دەکرێت، سوودی بەرجەستەی بۆ ئەمریکییەکان و عێراقییەکان دەبێت لەگەڵ جەختکردنەوە لە سەروەری عێراق.

پێش ئەویش کونسوڵخانەی ئەمریکا لە هەولێر ڕاگەیەندراوێکی دەربارەی ڕێککەوتنی هەناردەکردنەوەی نەوتی هەرێمی کوردستان بڵاوکردەوە و تێیدا هاتووە، “پێشوازى دهكهین له ڕاگهیاندنهكهى حكومهتى عێراق به گهیشتن به ڕێككهوتن لهگهڵ حكومهتى ههرێمى كوردستان و كۆمپانیا نێودهوڵهتیهكان بۆ دووباره كردنهوهى بۆرى نهوتى عێراق – توركیا، ڕێككهوتنێك كه لهلایهن ویلایهته یهكگرتووهكانى ئهمریكا ئاسانكارى بۆ كراوه و سوودى بهرجهسته بۆ ههردوو لایهنى ئهمریكیهكان و عێراقیهكان دهستهبهردهكات”.

ڕاشیگەیاند، دهستخۆشى له ههوڵه چارهنووسسازهكانى محەمەد شیاع سوودانى، سهرۆك وهزیرانى عێراق و بهرپرسانى باڵاى حكومهتى عێراق و ههروهها سهرۆكى حكومهتى ههرێمى كوردستان مهسرور بارزانى و بهرپرسانى باڵاى حكومهتى ههرێمى كوردستان دهكهین بۆ گهیشتن بهم دهرئهنجامه.

کونسوڵخانەی ئەمریکا ڕایگەیاند، ئهم ڕێككهوتنه دهبێته هۆى بههێزكردنى هاوبهشى ئابوورى سوودمهند لهنێوان ویلایهته یهكگرتووهكان و عێراق، هاندهر دهبێت بۆ دهستهبهركردنى ژینگهیهكى وهبهرهێنانى سهقامگیرتر بۆ كۆمپانیا ئهمریكیهكان لهسهرانسهرى عێراق و برهوپێدانى ئاسایشى وزه له ناوچهكه و پتهوكردنى سهروهرى عێراق.

لای خۆشیەوە ئامانج ڕەحیم، سکرتێری ئەنجومەنی وەزیرانی هەرێمی کوردستان ڕایگەیاند، بڕیارە کاتژمێر 6ی بەیانیی شەممەی داهاتوو، نەوتی هەرێمی کوردستان بگاتە بەندەری جەیهانی تورکی.