یەکێتی مامۆستایان بە ئاماژەدان بە کەموموڕییەکانی پڕۆسەی خوێندن و چارەسەرنەکردنی کێشەی مووچە ڕایدەگەیەنێت، پڕۆسەکە بەرگەی لەوە زیاتر ناگرێت و هەموو جۆرەکانی خەباتی مەدەنیش بە ڕەوا دەزانن بۆ هێنانەدی ئامانجەکانیان.
مەکتەبی سکرتاریەتی یەکێتی مامۆستایان لە ڕاگەیەندراوێکی کە بە بۆبەنی دەستپێکی ساڵی نوێی خوێندنەوە بڵاویانکردووەتەوە و مێژووی سبەینێ 20ی ئەیلوولی لەسەرە، ڕایگەیاند هەموو هەوڵێک دەخەنەگەڕ بۆ ئەوەی پەروەردە و فێرکردن و خوێندنی باڵا بەشێوەیەکی ئاسایی شایستە بەڕێوەبچێت.
ئەوەشی خستووەتەڕوو کە ساڵی ڕابردوو کۆمەڵیک هەنگاوی باش نراوە وەک دابەشکردنی زەوی و بە گرێبەستکردنی مامۆستایانی وانەبێژ و جێبەجێکردنی یاسای خانەنشینی.
لەگەڵ ئەوەشدا ڕایگەیاندووە کە هێشتا کۆمەڵێک کێشەی دیکەی وەک مووچە و ڕاگرتنی بەرزکردنەوەی مووچە و بە هەمیشەیینەکردنی مامۆستایانی وانەبێژ ماون.
مەکتەبی سکرتاریەتی یەکێتی مامۆستایان ڕاشیگەیاند، پڕۆسەکە بەرگەی لەوە زیاتر ناگرێت و هەموو جۆرەکانی خەباتی مەدەنیش بە ڕەوا دەزانن بۆ هێنانەدی ئامانجەکانیان