سەیرکراوە: (1.7K)
ئێران سەپاندنەوەی سزاکانی نەتەوە یەکگرتووەکان بەسەر وڵاتەکەیدا بە “ناڕەوا” دادەنێت و دەڵێت، “وەڵامێکی تووند و گونجاو”ی دەبێت بۆی.
وەزارەتی دەرەوەی ئێران لە ڕاگەیەنداوێکدا رایگەیاند: “کاراکردنەوەی سزا هەڵوەشێنراوەکان نەک تەنیا لە ڕووی یاساییەوە بێبنەما و نادادپەروەرانەیە، بەڵکو پێویستە هەموو وڵاتان خۆیان لە داننان بەم دۆخە نایاساییەدا بە دوور بگرن”.
کاتژمێر 3ی بەرەبەیانی ئەمڕۆ یەکشەممە، سزاکانی ئەنجوومەنی ئاسایشی نەتەوەیەکگرتووەکان دژی تاران چوونە بواری جێبەجێ کردنەوە.