ئامانجی ئەمریكا و دۆناڵد ترەمپی سەرۆكی ئەو وڵاتە بۆ دەستكردن بە هەناردەكردنەوەی نەوتی هەرێم ئاشكراكرا و شارەزایەكی ئابووری عێراق، چەند سوودێكی سەرەكیی لە پشتگیریی واشنتۆن بۆ ڕێككەوتنی نەوتیی نێوان بەغدا و هەولێر باس دەكات.
نەبیل مەرسوومی، شارەزای ئابووری عێراقی لەسەر هەژماری خۆی لە فەیسبووك، نووسیویەتی، دەستپێكردنەوەی هەناردەی نەوتی كوردستان یارمەتیدەر دەبێت بۆ قەرەبووكردنەوەی هەر كەمبوونەوەیەكی ئەگەری لە هەناردەی نەوتی ئێران، كە واشنتۆن ڕایگەیاندووە وەك بەشێك لە سیاسەتی “ئەوپەڕی گوشاری” سەرۆك ترەمپ دژی ئێران، هەناردەكەی بۆ سفر كەم دەكاتەوە.
ئەو شارەزا ئابوورییە 5 سوودی ڕێككەوتنی نەوتی و پشتیوانی ئەمریكا بۆ ڕێككەوتنەكە ئاشكرادەكات: یەکەم: لەگەڵ داخستنی بۆری تورکیا لە مانگی ئازاری ٢٠٢٣ەوە، بڕێک نەوت بە بارهەڵگرەوە بۆ ئێران و تورکیا گواستراوەتەوە لەکاتێکدا بە دوای بازاڕی ئەڵتەرناتیڤدا دەگەڕێن. هەروەها دەستپێکردنەوەی هەناردەکردن لە کوردستانەوە یارمەتیدەرە بۆ قەرەبووکردنەوەی ئەگەری دابەزینی هەناردەی نەوتی ئێران، کە واشنتۆن ڕایگەیاندووە، لە چوارچێوەی هەڵمەتی زۆرترین فشاری سەرۆک ترەمپ دژی ئێران بۆ سفر کەم دەکاتەوە.
دووەم: سنووردارکردنی قاچاخی نەوتی عێراق بۆ تورکیا و ئێران.
سێیەم: بەدیهێنانی بەرژەوەندییە ئابوورییەکانی کۆمپانیا نەوتییەکانی ئەمریکا، کە وەبەرهێنان لە کوردستان دەکەن.
چوارەم: ڕێککەوتنەکە بەشدار دەبێت لە دروستکردنی کەشێکی وەبەرهێنانی سەقامگیرتر لە سەرتاسەری عێراق بۆ کۆمپانیا ئەمریکییەکان.
پێنجەم: پاراستنی نزمیی نرخی نەوت، ئەمەش یارمەتیدەر دەبێت بۆ کۆنترۆڵکردنی ئاستی هەڵاوسان لە ئەمریکا.