نوری مالکی، سەرۆکی هاوپەیمانی دەوڵەتی یاسا ڕایدەگەیەنێت، پێویستە پاراستنی پاكێتی هەڵبژاردنەکان و خراپ بەکارنەهێنانی سامان و تواناكانی دەوڵەت.
نوری مالکی، سەرۆکی هاوپەیمانی دەوڵەتی یاسا لە ڕاگەیەنراوێكدا ئاماژەی بەوەكردووە، هەڵمەتی هەڵبژاردن دەستیپێکردووە، ئەمەش رۆژێکی گەورەیە لە پێشبڕکێی کارکردن و کێبڕکێ بۆ پێشکەشکردنی باشترین کاندیدەکان، وەک وەفایەک بۆ ئەو کەسانەی لە پێناوی ئەزمونێکی سیاسی و دیموکراسیدا قوربانییان دا.
دەشڵێت: داوا لە تەواوی لیست و کاندیدەکان دەکەم کێبڕکی ئەرێنی بكەن، دوور لە خستنی یەكتر و دڕاندنی پۆستەرەكانی بانگەشەی هەڵبژاردن و پابەندبون بە پەیڕەوی برایەتی نیشتمانی و رێنماییەکانی کۆمسیۆنی باڵای سەربەخۆی هەڵبژاردنەکان.
ڕاشیگەیاندووە، پێویستە پاراستنی پاكێتی هەڵبژاردنەکان و خراپ بەکارنەهێنانی سامان و تواناكانی دەوڵەت.
مالكی وتیشی، “داوا لە هاووڵاتیان دەکەین وەك ئەرك بەشداری پرۆسەی هەڵبژاردن بكەن، هەڵوێستی توندیشیان هەبێت بەرامبەر هەر هەوڵێكی كڕینی ئیرادەیان”.