سەیرکراوە: (1.5K)
بەرێوەبەرایەتی شارەدێی وەرتێ بڵاویکردوەتەوە، ئـاگاداری دانیشتوانی ناوچەکە دەکەنەوە، لەلایەن بەرێوەبەرایەتی نەوت و کانزاکانی ئیدارەی سەربەخۆی سۆران دەست دەکرێت بەدابەشکردنی بەشە نەوتی هاووڵاتییان و شوێن دابەشکردنەکەش بەنزینخانەی وەرتێیە.
بەرێوەبەرایەتییەکە ئەمڕۆ یەکشەممە، بڵاویکردوەتەوە: لە دوانیوەڕۆی ئەمڕۆوە دەستدەکرێت بە دابەشکردنی بەشەنەوتی سپی ماڵان، هاووڵاتییان دەتوانن سەردانی بەنزینخانەی وەرتێ بکەن بۆ وەرگرتنی بەشە نەوتەکەیان.
ئاماژەیان بەوەشکردووە: هەر خێزانێك 200 لیتر نەوتی سپی وەردەگرێت و 103 هەزار و 500 دیناریشیان لەبەرامبەردا لێ وەردەگیرێت.
بەرێوەبەرایەتییەکە هاووڵاتییان ئاگاردەکاتەوە بۆ وەرگرتنی بەشە نەوتەکەیان پێویستە کۆپی کارتی نیشتمانی یاخود کۆپی پسوڵەی خۆراکیان پێ بێت.