سەرۆکوەزیرانی عێراق لە بارەی هەرێمەوە پەیامێکی ئاراستە کرد

سەرۆکوەزیرانی عێراق لەبارەی پەیوەندییەکانی لەگەڵ هەرێم رایگەیاند، دوای ڕێککەوتنی ناردنە دەرەوەی نەوت، پەیوەندیان لەگەڵ هەرێمی کوردستان بەرەو باشتر ڕۆیشتووە .وتیشی \” هەرێم زیاتر لەوەی دەستوور ڕێگەیداوە، سەربەخۆیانە کاردەکات و ناگەڕێتەوە بۆ ناوەند\”. محەمەد شیاع سودانی سەرۆکوەزیرانی عێراق، لە میانی کۆبوونەوەیەکیدا لەگەڵ ژمارەیەک ڕۆشنبیر و کەسایەتی سیاسی هەرێمی کوردستان، ئاماژەی بەوەکردووە پەیوەندییەکانیان لەگەڵ هەرێمی کوردستان بەرەو باشتر ڕۆیشتووە. سودانی هەروەها ئاماژەی بەوەداوە، کێشەی نێوان هەرێم و بەغدا سیاسیی نییە وکێشەکە ئیدارییە. وتیشی \”حکومەتی هەرێم زیاتر لەوەی دەستوور ڕێگەیداوە، سەربەخۆیانە کاردەکات و ناگەڕێتەوە بۆ ناوەند، تەنانەت لە پرسە سیادییەکانی وەکو نەوتیش دا کە دەسەڵاتی ڕەهای حکومەتی ناوەندە.\” سەبارەت بە بارودۆخی ناوچەکە و ئەگەری پەککەوتنی هەڵبژاردنی ئەنجومەنی نوێنەران، سەرچاوەکە وتی: تا ئێستا هەڵبژاردن ئەنجام دەدرێت، بەڵام هەموو لایەنە عێراقییەکان ترسیان لەوەیە دوای کۆتایی هاتنی شەڕی غەززە چی ڕوودەدات، ئایا هێرش دەکرێتە سەر ئێران یاخود نە، ئەمە پرسێکە و لای لایەنە عێراقییەکانیش جێی گومانە.