عەلی فالح زەیدی، سەرۆکی نوێی ئەنجومەنی وەزیرانی عێراق، فەرمانی بە لایەنە چاودێرییەکان و دەسەڵاتە بەجێهێنەرەکانی یاسا کردووە کە دەستبەجێ پرۆسەی لێکۆڵینەوە لە ژمارەیەک گرێبەستی گرنگ و ملیاری دەستپێبکەن، کە پێشتر لەلایەن وەزارەت و دامەزراوە حکومییەکانەوە واژۆ کراون. ئەمڕۆ پێنجشەممە، ٢٨ـی ئایاری ٢٠٢٦، نووسینگەی ڕاگەیاندنی سەرۆک وەزیرانی عێراق ڕایگەیاند، ئەم بڕیارە لە چوارچێوەی جێبەجێکردنی بەرنامەی کابینە نوێیەکەیاندایە بۆ ڕووبەڕووبوونەوەی گەندەڵی و پاراستنی سامانی گشتی. فەرمانەکەی سەرۆک وەزیران جەخت لە سێ خاڵی سەرەکی دەکاتەوە: پێداچوونەوەی ورد: بەدواداچوون بۆ سەرجەم گرێبەستەکان بە مەبەستی دیاریکردنی ئاستی گونجانیان لەگەڵ یاسا و ڕێنماییە فەرمییەکاندا. دەستنیشانکردنی کەمکوڕییەکان: ئاشکراکردنی کەمکوڕییەکان و دەستنیشانکردنی ئەو کەس و بەرپرسانەی بوونەتە هۆی زیان گەیاندن بە سامانی گشتی بڕینی دەستی گەندەڵکاران: ئاشکراکردنی ئەو لایەن و بازرگانانەی کە لەسەر حیسابی بەرژەوەندیی گشتی، قازانجی تایبەتیان لەو گرێبەستانەدا بینیوە. سەرۆک وەزیران عەلی فالح زەیدی ڕێنمایی توندی داوە، کە پێویستە ئەنجامی ئەم لێکۆڵینەوانە لە زووترین کاتدا بەرزبکرێنەوە و ئاراستەی دەسەڵاتی دادوەریی تایبەتمەند بکرێن، بە مەبەستی پاراستنی مافی هاووڵاتییان، کۆتایهێنان بە دەستکاریکردنی سامانی دەوڵەت و ڕادەستکردنی سەرپێچیکاران بە دادپەروەری.
عەلی زەیدی فەرمانێکی دەرکرد
سەیرکراوە: (11)
Leave a Reply