كۆمهڵی دادگهریی كوردستان ههڵوێستی سهبارهت به خۆپیشاندانی سبهینێی مامۆستایان و فهرمانبهرانی ناڕازی راگهیاند و دهڵێت: “پشتیوانی خۆپیشاندانهكهی سبهینێ دهكهین”.
ئهمڕۆ سێشهممه 19ی ئابی 2025 كۆمهڵی دادگهریی كوردستان راگهیهندراوێكی بڵاوكردهوه و تیایدا هاتووه كه “سهبارهت به خۆپیشاندانی ڕۆژی چوارشهممهی چین و توێژهكان بۆ داكۆكی له مووچهی مووچهخۆرانی ههرێمی كوردستان، كۆمهڵی دادگهری دووپاتی ههڵوێستی بنهڕهتی خۆی دهكاتهوه له پشتیوانیی ههموو خۆپیشاندان و ناڕهزاییهكی خهڵكی كوردستان بۆ داكۆكی له مووچه و مافه ڕهواكانی دیكه”.
كۆمهڵی دادگهریی كوردستان دهڵێت: “بهتایبهت كه سێ مانگه سهرهتاییترین ماف كه مووچهیه دابین نهكراوه”.
دهشڵێت: “كۆمهڵی دادگهری وهك ههمیشه پشتیوانی ههر چالاكییهكی مهدهنیی جهماوهرییه به ئاڕاستهی دابینكردنی مافهكانی خهڵك”.
راشیگهیاندووه كه “پێویستیشه دهسهڵاتداران نهك ههر رێگری له مافی ناڕهزایی خهڵك نهكهن، بگره دهبێت ئارامی و كهشی خۆپیشاندانیش بپارێزن”.
ئهمهش دوای ئهوه هات كه مامۆستایان و فهرمانبهرانی ناڕازی رۆژی چوارشهممهیان بۆ ئهنجامدانی خۆپیشاندان بۆ داواكردنی مووچه دیاری كردووه.
ئهم بابهته 92
جار خوێنراوهتهوه
سەرنوسەر