میدیای فەرمی پارتی کرێکارانی کوردستان پهكهكه بڵاویكردهوه، سبهینێ یهكشهممه، “گهریلاكانی ئازادیی كوردستان ههنگاوێكی دیكهی مێژوویی بۆ پڕۆسهی ئاشتی دهنێن”، بهبێ ئهوهی ئاماژه به ناوهڕۆكی ههنگاوهكه بكات.
ئاژانسی فوڕات نیوز، میدیای فەرمی پهكهكه، بڵاویكردهوه، لە چوارچێوەی بانگەوازهكهی عهبدولا ئۆجهلان بۆ ئاشتی و كۆمهڵگهی دیموكراسی و بڕیارەکانی کۆنگرەی 12ـیەمینی پەکەکەدا، سبەینێ یهكشهممه 26ی تشرینی یەکەم، گەریلاکانی ئازادیی کوردستان هەنگاوێکی دیکەی مێژویی دەنێن.
ئاژانسەکەی پەکەکە، ئاماژهی بهوهشداوه، “بڕیار وایە سبەینێ گەریلاکانی ئازادیی کوردستان لە کۆنگرەیەکی ڕۆژنامەوانییدا هەنگاوێکی دیکەی مێژوویی بۆ پرۆسەی ئاشتی و کۆمەڵگەی دیموکراسی بنێن”.
له كۆنگره رۆژنامهوانییهكهدا گەریلاکان راگەیاندراوێک بۆ ڕای گشتیی بڵاودەکەنەوە.
ڕۆژی 27ـی شوباتی 2025، عهبدوڵا ئۆجهلان، بانگەوازێکی بە ناونیشانی ‘بانگەوازی ئاشتی و کۆمەڵگەی دیموکراسی” راگهیاند، پاشان لە چوارچێوەی ئەو بانگەوازەدا، پەکەکە لە 5 بۆ 7ـی ئایار، کۆنگرەی 12ـیەمینی خۆی ئەنجام دا و چەندین بڕیاری گرنگی بۆ ڕەخساندنی زەمینەی پرۆسەی ئاشتی جێبهجێ کرد.
هەروەها لە 11ـی تەمموز، گروپێکی 30 کەسی گەریلا بە پێشەنگایەتی بەسێ هۆزات، وەک نیشاندانی نیازپاکییەک بۆ پرۆسەی ئاشتی و کۆمەڵگەی دیموکراسی لە رێوڕهسمێكی رهمزیدا لە ئەشکەوتی جاسەنەی سنووری سلێمانی، چەکەکانیان سوتاند.