لە ئەمرۆوە دەست بە دابەشکردنی پارەی جوتیاران دەکرێت

– هەواڵەکان وەزارەتی بازرگانی و پیشەسازی هەرێمی کوردستان ڕایگەیاند، لە ئەمڕۆوە دەست بە دابەشکردنی ئەو پارەیە دەکرێت کە بەغدا وەک شایستەی دارایی جوتیارانی هەرێمی کوردستان ناردوویەتی. وەزارەتی بازرگانی و پیشەسازی هەرێمی کوردستان ئاشکرای کرد، بڕی 15 ملیار و 500 ملیۆن دینار وەک شایستەی گەنمی جوتیاران بۆساڵی 2025 خراوەتە سەر هەژماری وەزارەتی بازرگانی. ڕوونیشیکردەوە کە شەش ملیار دینار بۆ جوتیارانی سلێمانی، پێنج ملیار دینار بۆ هەولێر و چوار ملیار و 500 ملیۆن دیناریش بۆ دهۆک. لەمڕۆوە لە هەولێر دەست بە دابەشکردنی پارەکە دەکرێت و هەفتەی داهاتووش لە سلێمانی و دهۆک دەست پێدەکات. وەزارەتی بازرگانی ڕاشیگەیاند، بەپێی ڕۆژی ڕادەستکردنی گەنمەکانیان بۆ ئەو جوتیارانەی لە یەک تۆن هەتا پەنجا تۆنیان لێ وەرگیراوە شایستەکان وەردەگرن، پاشان ئەوانەی بڕی زیاتریان ڕادەست کردووە وەریدەگرن.