بەرپرسی راگەیاندنی قەزای بەردەڕەش رایگەیاند، ئاگر لە کۆگایەکی کەمپی گەویلانی سنووری ناحیەی کەڵەک کەوتەوە، بەڵام زیانی گیانی نەبووە و تەنیا زیانی مادی هەبووە.
ئاگرەکە نیوەڕۆی ئەمڕۆ کەوتووەتەوە، بۆتان شەمسەدین، بەرپرسی راگەیاندنی قەزای بەردەڕەش راگەیاند، ئاگرەکە لە کۆگایەکی کەلوپەلی پێداویستیی کەمپەکە کەوتەوە، راستەوخۆ تیمەکانی بەرگریی شارستانی بەردەڕەش گەیشتنە شوێنی رووداوەکە و ئاگرەکەیان کۆنترۆڵکرد.
سەبارەت بە زیانەکانی ئاگرەکە، بۆتان شەمسەدین، گوتی: “لیژنەیەک لە بەرگریی شارستانی پێکهاتووە، زیانەکەی بە نزیکەی 100 هەزار دۆلار دەخەمڵێندرێت”.
لەبارەی هۆکاری ئاگرکەوتنەوەکە، بەرپرسی راگەیاندنی قەزای بەردەڕەش گوتی: “هۆکارەکەی هێشتا دیار نییە و لیژنەکە لێکۆڵینەوە لەبارەی هۆکارەکەی دەکەن”.
کەمپی گەویلان لە ساڵی 2012ـەوە دروستکراوە و تایبەتە بە پەنابەرانی رۆژئاوای کوردستان، ئێستا نزیکەی هەزار خێزان لە کەمپەکە دەژین.
سەیرکراوە: (6.9K)
سەرنوسەر