سەیرکراوە: (1.4K)
کۆتایی ئەم هەفتەیە، کۆمیتەی ناوەندی پارتی، بەسەرۆکایەتی مەسعود بارزانی، سەرۆکی حزبەکە کۆدەبێتەوە و تاووتوێکردنی پێکهێنانی حکومەتی نوێی هەرێم و بەغداد دەکرێت.
هیوا گەیلانی ئەندامی کۆمیتەی ناوەندیی پارتی بۆ میدیای پارتی ڕایگەیاند، ڕۆژی پێنجشەممە 18ی ئەم مانگە، بە سەرپەرشتی مەسعود بارزانی کۆبوونەوەی کۆمیتەی ناوەندیی پارتی لە پیرمام بەڕێوەدەچێت.
باسی لەوەشکرد: لە کۆبوونەوەکەدا دۆخی جیهان، ڕۆژهەڵاتی ناوەڕاست، عێراق و پرسی ئەنجامەکانی هەڵبژاردنی پەرلەمانی عێراق تاوتوێ دەکرێن و هەڵسەنگاندنیان بۆ دەکرێت.
هاوکات وتیشی: بابەتی پێکهێنانی کابینەی نوێی حکومەتی هەرێمی کوردستان و حکومەتی فیدراڵیش گفتوگۆی لەسەر دەکرێت.