سەیرکراوە: (1.2K)
سبەینێ گەریلاکانی پەکەکە لە چوارچێوەی بانگەوازی ئۆجەلان و پرۆسەی هەنگاوێکی دیکەی مێژوویی دەنێنەوە. شەممە 25ی تشرینی یەکەم میدیای نزیک لە پەکەکە بڵاویکردەوە کە بڕیار وایە سبەینێ گەریلاکانی پەکەکە هەنگاوێکی دیکەی مێژوویی بۆ پرۆسەی ئاشتی بنێنەوە. لە چوارچێوەیەدا بڕیارە پەکەکە لە کۆنگرەیەکی ڕۆژنامەنووسییدا بەیاننامەیەک بۆ ڕای گشتیی بڵاوبکاتەوە. ئەوەش لە کاتێکدایە گرووپێکی ٣٠ کەسی گەریلا بە پێشەنگایەتی بەسێ هۆزات، وەک نیشاندانی نیازپاکییەک بۆ پرۆسەی ئاشتیی و کۆمەڵگەی دیموکراتیک لە مەراسێمێکی سیمبولیکدا لە ئەشکەوتی جاسەنەی سنووری سلێمانی، چەکەکانیان سووتاند.