سەیرکراوە: (978)
لە چەند کاتژمێری ڕابردوودا لایەنەکانی ناو چوارچێوەی هەماهەنگی لەسەر دیاریکردنی کاندیدی سەرۆک وەزیران ڕێککەوتن و هەمووان لەسەر کاندیدکردنی نووری مالیکی، سەرۆکی هاوپەیمانی دەوڵەتی یاسا هاوڕابوون.
نەسیم عەبدوڵڵا، ئەندامی چوارچێوەی هەماهەنگی ئەمڕۆ سێشەممە،کاتی ڕاگەیاندنی کاندیدی چوارچێوەی هەماهەنگی بۆ پۆستی سەرۆک وەزیران ئاشکرا کرد و ڕایگەیاند، نوری مالیکی، سەرۆکی هاوپەیمانی دەوڵەتی یاسا، کۆدەنگی لایەنەکانی ناو چوارچێوەکەی بەدەستهێناوە.
عەبدوڵڵا لە لێدوانێکدا بۆ ئاژانسی بەغداد ئەلیەوم وتی: “لە چەند کاتژمێری ڕابردوودا کۆدەنگییەک لە نێوان تەواوی هێزەکانی ناو چوارچێوەی هەماهەنگی دروست بووە بۆ پشتگیریکردن لە کاندیدکردنی نوری مالیکی بۆ سەرۆکایەتی ئەنجومەنی وەزیران، و پێمان وانییە هیچ لایەنێک لە ناو چوارچێوەکەدا تێبینی یان ناڕەزایەتییەکی هەبێت”.