بە سەرپەرشتی تەیف سامی سەبەتەی خۆراک دابەش دەکرێت

بەسەرپەرشتی تەیف سامی، وەزیری دارایی عێراق، لیژنەی کاری خۆبەخشی لە وەزارەتی دارایی دەستپێشخەریی دابەشکردنی سەبەتەی خۆراک بۆ خێزانە کەمدەرامەتەکان بەبۆنەی مانگی ڕەمەزانەوە ڕادەگەیەنێت.

وەزارەتی دارایی عێراق لە بڵاوکراوەیەکدا رایگەیاند: پاڵپشت بە ڕێنماییەکانی ئەمینداریەتی گشتیی ئەنجومەنی وەزیران و بە سەرپەرشتی تەیف سامی، وەزیری دارایی، لیژنەی ناوەندی بۆ کاری خۆبەخشی لە وەزارەتی دارایی بە بەشداری لیژنەی لاوەکی کاری خۆبەخشی لە دەستەی گشتیی گومرگ، دەستیان کرد بە ئامادەکردن و دابینکردنی سەبەتەی خۆراکی تەواو بۆ دابەشکردنی بەسەر خێزانە کەمدەرامەتەکان و ئەو کەسانەی داهاتیان سنووردارە.

باسی لەوەشکردووە، سەبەتە خۆراکییەکان کەرەستەی سەرەکی و پێویستییەکانی رۆژانە لە خواردن لە خۆدەگرن.