لەگەڵ نزیکبوونەوەی وادەی کشانەوەی هێزەکانی هاوپەیمانان و ئەمەریکا لە عێراق (کە بڕیارە لە ٣٠ی ئەم مانگە کۆتایی بێت)، شرۆڤەکاران و ناوەندە سیاسییەکان وریایی لە دەرئەنجام و مەترسییەکانی ئەم هەنگاوە لەسەر ئاسایش و سەقامگیریی عێراق و ناوچەکە دەدەن. لە خوارەوە پووتکەی گرنگترین خاڵەکانی راپۆرتەکە دەبینن بە مەبەستی بڵاوکردنەوە لە (کوردستان پرێس):
تەکتیكی ئەمەریکی بەرامبەر داهاتووی عێراق: شارەزایان پێیان وایە ئەم هەنگاوەی ئەمەریکا تەکتیكییە بۆ کەمکردنەوەی خەرجی و زیانەکان، بەڵام بۆ عێراق دەرگەیەک بۆ چەندان ئاڵنگاریی قورسی تەناهی و ئابووری دەكاتەوە کە رەنگە عێراق بەرگەیان نەگرێت.
ڕای کۆواری (وەر ئۆن زە رۆکس): کۆوارێکی ئەمەریکی باسی لەوە کردووە کە ئەمەریکا خەریکە لە حکوومەتی عێراق و بەڵێنەکانی بێئومێد دەبێت و مەترسیی دەستبەرداربوونی تەواوەتی لەبەردەمدایە، بە جۆرێک کە کشانەوەی کۆتایی لە ٣٠ی ئەم مانگە دەبێتە کۆتاییهاتنی هاریکاریی ڕاستەوخۆی نێوان هەردوو حکوومەت بێ بوونی هیچ چوارچێوەیەکی شوێنگرەوە.
پرسی چەکی میلیشیاکان و نفوزی ئێران: بەردەوامبوونی حکوومەتی عێراق لە هەوڵی داماڵینی چەکی میلیشیاکان بە بێوەر ئەژمار دەکرێت، ئەگەر عێراق نەتوانێت کۆنترۆڵی چەک بکات و ڕێگری لە راکێشانی بۆ ناو بەرەی ئێران بکات، واشنتن لە بەغدا دەستبەردار دەبێت و پێوەندییەکانیان کۆتایی پێ دێت.
بۆشایی تەناهی و هەڕەشەی داعش: بەهۆی لاوازیی توانای هەواڵگری و پشتیوانیی لۆجیستی و ئاسمانیی هێزە ئەمنییەکانی عێراق، کشانەوەی هێزەکان هەڕەشەیەکی ڕژد دروست دەکات و ئەگەری سەرهەڵدانەوەی پاشماوەی داعش لە ناوچە دوورەدەستەکاندا هەیە.
مەترسیی ئاڵۆزیی ناوخۆیی: جیا لە داعش، کشانەوەی هێزەکان ئەگەری دروستبوونی گرژی و پێکدادانی ناوخۆیی لە نێوان میلیشیاکان خۆیان یان لە نێوان پێکهاتەکانی وەک کورد، سوننە و لایەنەکانی تردا دروست دەکات.
گومانی جەماوەری: لە کاتێکدا ناوەندە فەرمی و بەرپرسە سەربازییەکان دڵنیایی دەدەن لە توانای هێزە عێراقییەکان، بەڵام جەماوەر دڵنیا نییە و ترس و گومانی گەورەی لە لێکەوتەکانی ئەم کشانەوەیە هەیە.
#kurdistanpress
Leave a Reply