سەیرکراوە: (1.5K)
وەزارەتی کارەبای حکومەتی هەرێمی کوردستان هۆکاری بڕانی کارەبای ئاشکرا کرد و دەشڵێت، 800 مێگاوات کارەبا کەمی کردووە.
بەپێی ڕاگەیەندراوێکی وەزارەتی کارەبای هەرێم، کە ئەمڕۆ یەکشەممە، بڵاویکردەوە، تیایدا دەڵێت: پڕۆسەی چاكسازیی بۆ ژێرخانی کارەبا لەلایەن تیمەکانی وەزارەتی کارەبا و كۆمپانیای داناغاز بەردەوامە، بۆیە بەرهەمهێنانی غاز بە بڕی 150 ملیۆن پێ سێجا كەمی كردووە، بەمەش بەرهەمهێنانی كارەبا بە بڕی 800 مێگاوات دابەزیوە و هەندێ جار كارەبا بۆ ماوەیەكی كەم دەبڕێت.
باسی لەوەشکرد: هەردوو وەزارەتی كارەبا و وەزارەتی سامانە سروشتییەكان لەسەر هێڵن بۆ چارەسەرکردنی ئەم بابەتە لە ماوەی دوو رۆژی داهاتوودا، و هەوڵ دەدرێت ئەم پڕۆسەیە كەمترین كاریگەری لەسەر تۆڕی كارەبای نیشتمانی هەبێت.