سەیرکراوە: (22)
کارەبای چەند ناوچەیەکی سلێمانی و شارباژێڕ سبەی بۆ چەند کاتژمێرێک دەبڕدرێت
بەڕێوەبەرایەتی گشتی کارەبای سلێمانی ئاگادارییەکی بۆ هاووڵاتیان.ی سنووری چەند ناوچەیەک بڵاوکردەوە و ڕایگەیاند، سبەی سێشەممە (١٦ـی حوزەیرانی ٢٠٢٦) بەهۆی کاری چاکسازییەوە، پێدانی کارەبا لە چەند وێستگەیەکی گۆڕینی کارەبادا ڕادەگیرێت.
بەپێی ڕاگەیێندراوەکە، بەهۆی کارکردن و چاکسازی لە هێڵی (١٣٢ کەی ڤی)ـی “بازیان – کوردسات”، کارەبا لەم ناوچانەدا دەبڕدرێت:
لە کاتژمێر ٥:٠٠ـی بەیانی تا ١٠:٠٠ـی بەیانی.
ئەو شوێنانەی کارەباکەیان لەسەر وێستگەکانی گۆڕینی کارەبای مۆبایلی (کانی بەردینە، هەواری شار، قەڵاچوالان، شارباژێڕ و ماوەت)ـن.
بەڕێوەبەرایەتی گشتی کارەبای سلێمانی ئاماژەی بەوە کردووە، پاش تەواوبوونی کارەکانی چاکسازی لە کاتژمێر ١٠ـی بەیانی، دۆخی کارەبا لەو ناوچانەدا ئاسایی دەبێتەوە.
Leave a Reply