وەزارەتی گەنجینەی ئەمەریکا، ئەمڕۆ دووشەم 11ی ئایاری 2026، پاکێجێکی نوێی سزاکانی دژ بە کۆماری ئیسلامیی ئێران ڕاگەیاند. سزاکان بە تایبەتی ئەو کەسایەتی و کۆمپانیایانەی کردووەتە ئامانج کە لە وڵاتانی چین، ئیمارات و عومان کار بۆ بەرژەوەندییەکانی سوپای پاسداران دەکەن.
بەگوێرەی بەیاننامەی نووسینگەی کۆنترۆڵکردنی سەرمایەکانی دەرەوە (OFAC)، سزاکان بەم شێوەیەی خوارەوە دابەش بوون:
کەسایەتییە سزادراوەکان
سێ کەسایەتی بەهۆی پێوەندیی ڕاستەوخۆیان بە سوپای پاسدارانەوە خراونەتە لیستی ڕەشەوە:
محەمەد ڕەزا ئەشرەف
سەمەد فەتحی
ئەحمەد محەمەدی
کۆمپانیاکان لە ئیمارات و عومان
ئەو کۆمپانیایانەی وەک سەرچاوەی دارایی یان پشتیوانی لۆجیستی بۆ سوپای پاسداران و کەرتی نەوتی ئێران ناسێنراون:
لە ئیمارات: کۆمپانیای “ئەتیک ئێنێرجی”، کۆمپانیای “بلانکا” بۆ کاڵای کۆمەڵ، “ئۆشن ئەلیانس” بۆ کەشتیوانی و “یونیڤێرساڵ فۆرچن”.
لە عومان: کۆمپانیای گرووپی “زەویس”.
کۆمپانیاکان لە چین و هۆنگ کۆنگ
ئەمەریکا چەند کۆمپانیایەکی لە چین و هۆنگ کۆنگ سزادا کە کارئاسانیی بازرگانییان بۆ سوپای پاسداران کردووە:
کۆمپانیای “هۆنگ کۆنگ بلو ئۆشن”
کۆمپانیای “هۆنگ کۆنگ سانمۆ”
کۆمپانیای “جیاندی هۆنگ کۆنگ”
کۆمپانیای “ماکس هۆنۆر” بۆ بازرگانیی نێودەوڵەتی
تێبینی: ئەم هەنگاوەی واشنتن لە چوارچێوەی هەوڵە بەردەوامەکانیدایە بۆ وشککردنی سەرچاوە داراییەکانی سوپای پاسداران و ڕێگریکردن لە دەربازبوونی ئێران لە سزاکانی سەر کەرتی وزە.
#kurdistanpress