سەیرکراوە: (12)
وەزارەتی بەرگریی عێراق ڕایگەیاند کە هێزەکانیان توانیویانە لە بەری ڕەسافەی پایتەخت، فڕۆکەیەکی بێفڕۆکەوانی نەناسراو تێکبشکێنن و بیخەنە خوارەوە.
بەگوێرەی بەیاننامە فەرمییەکەی وەزارەت، وردەکاریی ڕووداوەکە بەم شێوەیەیە:
کاتی چاودێریکردن: سەعات 12:00ی نیوەڕۆی دوێنێ چوارشەم، 29ی نیسانی 2026.
هێزی جێبەجێکار: یەکەکانی فەوجی یەکەم لە لیوای 45ی فیرقەی 11.
شوێن: ناوچەی بەرپرسیارێتیی فیرقەی 11 لە بەری ڕەسافەی بەغدا.
“دوای ئەوەی لە ناسنامەی فڕۆکەکە کۆڵدرایەوە و دەرکەوت کە هیچ مۆڵەت و ناسنامەیەکی دیاریکراوی نییە، یەکەکانی سوپا بە چەکی پاڵپشت ڕووبەڕووی بوونەوە و بەسەرکەوتوویی خستیانە خوارەوە.”
تا ئێستا هیچ زانیارییەک لەبارەی لایەنی خاوەندارێتی ئەو فڕۆکەیە یان مەبەستی فڕینەکەی لە ئاسمانی پایتەختدا بڵاونەکراوەتەوە.
#kurdistanpress