سەرۆكی كاتی سووریا بە مەرسوومێكی كۆماری خشتەی بۆنە و جەژن و پشووە فەرمییەكانی ڕاگەیاند، بەڵام هیچ ڕۆژێكی بۆ كورد “بەتایبەت نەورۆز” نەكردۆتە پشوو.
ئەحمەد شەرع، سەرۆكی كاتی سوووریا بە مەرسوومێك بۆنە و جەژن و یادەکانی سووریای پەسەندکرد هیچ رۆژێکیان بۆ جەژنی نەورۆز و گەلی کورد دانەناوە!
بەپێی خشتەكە، ئەحمەد شەرع بۆ موجامەلەکردنی ئەمریکا و وڵاتانی ئەوروپا چوار بۆنەی داوەتە مەسیحییەکان، بەجۆرێك جەژنی قیامەی مەسحییەکان دوو رۆژیان داناوە (بۆ مەسیحییەکانی ڕۆژهەڵات و بۆ مەسیحییەکانی ڕۆژئاوا).
هەر بەپێی خشتەكە، بۆ جەژنی لەدایکبوونی مەسیح رۆژێکیان داناوە و بۆ جەژنی سەری ساڵیش رۆژێکیان داناوە، هاوكات جەژنی ڕەمەزان 3 ڕۆژ و جەژنی قوربان 4 ڕۆژ و سەری ساڵی كۆچی ڕۆژێك و یادی لەدایكبوونی پێغەمبەر (د.خ) ڕۆژێك دیاری كراوە.
ئەمە لەكاتێكدایە، كە لە عێراق و توركیا بە یاسا ڕۆژی نەورۆز دیاری كراوە و لە ئێرانی-ش ڕۆژی نەورۆز خراوەتە ناو پشووی فەرمییەوە.