هانس ڕۆێست، پیاوێکی دانیشتووی ناوچەی لایدەردۆرپی هۆڵەندایە، ماوەی ١٥ ساڵە نازناوی “گەورەترین لووتی جیهان”ی لای خۆی هێشتووەتەوە. ئێستا ئەو خۆی ئامادە دەکات بۆ گەشتکردن بەرەو ئەڵمانیا (ناوچەی لانگنبورک) تا بەشداری لە پاڵەوانێتی جیهانی بۆ گەورەترین لووت بکات و بەرگری لە نازناوەکەی بکات.
هەندێک زانیاری سەرسوڕهێنەر دەربارەی لووتی هانس:
چۆن دۆزرایەوە؟
ساڵانێک لەمەوبەر، کاتێک هانس وەک شۆفێری پاسێکی گەشتیاری کاریکردووە، بە لای میوانخانەیەکی ئەڵمانیدا تێپەڕیوە کە بارەگای “یانەی لووتەکان” بووە. ئەندامانی یانەکە هەر کە لووتی هانسیان بینیوە، سەرسام بوون و ڕاستەوخۆ داوایان لێکردووە بەشداری کێبڕکێکان بکات.
مێژووی سەرکەوتنەکانی هانس
هانس لە ساڵی ٢٠١١دا بۆ یەکەمجار بەشداری لە “پاڵەوانێتی جیهانی لووتە گەورەکان” کرد، کە پێنج ساڵ جارێک بەڕێوەدەچێت. هانس توانی سەرکەوتنێکی گەورە بەدەستبهێنێت:
پاڵەوانێتییەکەی ئەمساڵ
بەهۆی بڵاوبوونەوەی ڤایرۆسی کۆرۆناوە، پاڵەوانێتییەکەی پێنج ساڵ لەمەوبەر ئەنجام نەدرا، هەر بۆیە نازناوەکەی هانس بۆ ماوەیەکی درێژتر لای خۆی مایەوە. ئێستا هانس بانگهێشت کراوە تا لە مانگی حوزەیرانی داهاتوودا جارێکی تر بەشداری بکات.
ئایا هانس دووبارە دەبێتەوە بە پاڵەوان؟
هانس خۆی دڵنیا نییە کە ئایا دەتوانێت نازناوەکە بپارێزێت یان نا. ئەو دەڵێت:
“دڵنیا نیم جارێکی تر ببمەوە بە پاڵەوانی جیهان، چونکە لەوانەیە ئەمجارە نازناوەکە لەدەست بدەم. لەڕاستیدا دوای دوو جار بردنەوە، دەبێت هەل بدرێت بە کەسێکی نوێ ببێتە براوە. ئەگەر ئەوە ڕوو بدات، ئەوا من لە بەشی کەسایەتییە دیارەکان (Prominenten) بەشداری دەکەم.”
سەرچاوە:TVwest
ئامادەکردنی: کامەران ئەحمەد
هۆڵەندا