سەیرکراوە: (5)
دابەشکردنی بەشەخۆراکی مانگانە بەردەوام دەبێت، لەسەر بڕیاری وەزیری بازرگانی عێراق بڕیاردراوە دەست بە دابەشکردنی سەبەتەی سێیەمی خۆراک بکرێت.
کامەران فەتاح، بەڕێوەبەری بازرگانی و کەلوپەلی خۆراک لە سلێمانی بە “تۆڕی میدیایی خەڵک”ی ڕاگەیاند: ئەمڕۆ لەلایەن وەزارەتی بازرگانی عێراقەوە ئاگادارکرانەوە دەست بە ئامادەکارییەکان بکەن بۆ دابەشکردنی سەبەتەی سێیەمی بەشە خۆراکی ساڵی 2026.
باسی لەوەشکرد، لە ماوەیەکی نزیکدا دەست بە دابەشکردنی سەبەتەی نوێی خۆراک دەکەن و پێش جەژن زیاتر لە %50ـی دابەشدەکەن.
بەڕێوەبەری بازرگانی و کەلوپەلی خۆراکی سلێمانی، جەختی لەوەشکردەوە، ماددەکانی سەبەتەی نوێی خۆراک پێکدێن لە برنج، شەکر، زەیت، دۆشاو، پاقلەمەنییەکان، نیسک و لەتکەنۆک.