ترەمپترەمپسەرۆكی ئەمریكا بۆ “لوتكەی شەرم شێخ” گەیشتۆتە میسر و دەڵێت: سزاكانی سەر ئێران قورسن و ئامادەم دانووستانیان لەگەڵ بكەم.
دۆناڵد ترەمپ، سەرۆكی ئەمریكا لەگەڵ گەیشتنی بە میسر لەگەڵ عەبدولفەتاح سیسی، سەرۆكی ئەو وڵاتە كۆبووەوە و بۆ ڕۆژنامەنووسان وتی، “سزاكانی سەر ئێران قورسن و ئەگەر پێویست بكات سزای زیاتریان بەسەردا دەسەپێنم”.
وتیشی، “ئامادەم لەگەڵ ئێران گفتوگۆ بكەم و دەبێت تاران خۆی لەگەڵ دۆخەكە ڕابێنێت، ئێران گورزێکی گەورەی لێدرا و ئیمزاکردنی ڕێککەوتنی ئاشتی لەگەڵ ئێرانییەکان زۆر نایاب دەبێت”.
دەربارەی غەززە وتی، “غەززە ئاوەدان دەكرێتەوە و میر و شێخەكان دەوڵەمەندن و دەتوانن ددەستیان هەبێت لە ئاوەدانكردنەوەیدا”.
جەختیشی كردەوە، ڕۆڵی هەموو لایەك بە گرنگ دەزانین بۆ ئاشتی و میسریش ڕۆڵی گرنگی گێڕاوە.
دەشڵێت:لە ڕێگەی هێزەوە ئاشتی بەدەست دەهێنین؛ ئێمە چەکمان هەیە کە کەس خەونی پێوە نەبینیوە، هیوادارم هەرگیز ناچار نەبین بەکاریان بهێنین.
Leave a Reply