لە بەر ڕۆشنایی پێشهاتە ناوچەییە خێراکان و ئەو پەرەسەندن و هەڕەشانەی کە کاریگەری دەکەنە سەر ئاسایش و سەقامگیری ناوچەکە، کۆماری عێراق جەخت لەسەر هەڵوێستی نەگۆڕ و پرەنسیپی خۆی دەکاتەوە لە ڕەتکردنەوەی بەکارهێنانی خاک و ئاسمان یان ئاوی ناوچەیی، وەک دەستپێکی هەر کردەوەیەکی سەربازی کە هەر وڵاتێک بکاتە ئامانج.
ئەمەش لەسەر بنەمای بڕگەکانی دەستووری عێراق و سیاسەتی حکومەت لە ڕێزگرتن لە سەروەری وڵاتان و دەستوەرنەدان لە کاروباری ناوخۆیان، عێراق بە تەواوی پابەند دەبێت بەوەی ڕێگە نادات خاکەکەی ببێتە گۆڕەپانێک بۆ هەڕەشەکردن لە ئاسایش و سەقامگیری هەموو وڵاتانی دراوسێی ناوچەیی، یان تێوەگلانی لەو ململانێیانەی کە خزمەت بە بەرژەوەندی گەلەکەی ناکات.
حکوومەتی عێراق داوای خۆی بۆ هەموو لایەنە پەیوەندیدارەکان دووپات دەکاتەوە کە خۆ کۆنتڕۆڵکردن و وتوێژ لە پێشینەی کارەکانیان دابنێن و دووربکەونەوە لە پەرەسەندن و بە پەرۆشەوە کار بکەن بۆ چارەسەرکردنی ناکۆکیەکان بە شێوازی ئاشتیانە و دیپلۆماسی، بە پێی بنەماکانی یاسا نێودەوڵەتییەکان و پەیمانی نەتەوە یەکگرتووەکان، بۆ ئەوەی ناوچەکە لە گرژی و ناسەقامگیری زیاتر بەدووربگرن.
سەباح نوعمان
وتەبێژی فەرمی فەرماندەی گشتی هێزە چەکدارەکان
15ی کانوونی دووەمی 2026