سەیرکراوە: (1.5K)
وەزارەتی نەوتی عێراق رایگەیاند، پڕۆسەی هەناردەكردنی نەوتی هەرێم لەڕێگەی بۆری عێراق-توركیا دەستیپێکردەوە.
وەزارەتی نەوتی عێراق، لە بڵاوكراوەیەکدا رایگەیاند، سەرلەبەیانی ئەمڕۆ شەممە، دەستكرایەوە بە پڕۆسەی هەناردەكردنی نەوتی هەرێم لەڕێگەی بۆری عێراق-توركیاوە.
ئاماژەی بەوەشکرد، پڕۆسەی هەناردەكردنەوەكە لە کاتژمێر 6ـی سەرلەبەیانی بە خێراییەكی بەرز و بەبێ بوونی هیچ كێشەیەكی تەكنیكی دەستیپێكردەوە، ئەوەش رەنگدانەوەی سەركەوتنی هەوڵە هاوبەشەكانی نێوان حكومەتی فیدراڵ و حكومەتی هەرێمی كوردستانە بۆ بەدیهێنانی ئەم دەستكەوتە گرنگە.
ئەمەش لە کاتێکدایە، زیاتر لە دوو ساڵە هەناردەکردن لەڕێگەی بەندەری جەیهانەوە راگیرابوو.